Білім беруді цифрландыру

Облыстың білім беру жүйесінде цифрлық технологиялар көмегімен білім беру процесін жақсартуға бағытталған бірқатар іс-шаралар іске асырылуда, олар ақпараттық-коммуникациялық инфрақұрылымды жаңғыртуды, Wi-Fi, цифрлық білім беру контентін енгізуді, мемлекеттік қызметтерді автоматтандыруды, ІТ-мамандарды даярлауды қамтиды.

Барлық өңірлердегі мектепке дейінгі ұйымдарға балаларды кезекке қою және жолдама беру шараларын автоматтандыру.

 

Мектепке дейінгі балалар ұйымдарына кезектілік проблемаларын шешу және кезектің қалыптасуы мен функциясы, сондай-ақ жолдама беру процесін автоматтандыру мақсатында барлық (100%) мектепке дейінгі білім беру ұйымдарында кезектілікті автоматты бөлу және балабақшаларға жолдама беру жүйесі енгізілді.  2023 жылғы 1 қаңтардан 31 желтоқсанға дейін 14 730 жолдама берілді. 2024 жылы автоматтандырылған құрылғы арқылы 1 қаңтардан 31қаңтарға дейін 766 жолдама берілді. Жүйелерді Ұлттық білім беру деректер қорымен (ҰБДҚ) интеграциялау бойынша жұмыс жүргізілді. Ақпараттық жүйелерден алынған деректер ҰБДҚ-ға беріледі. Осылайша, контингент, білім беру мекемелерінің қызметкерлері туралы деректерді толтыру және ұсыну бойынша сыбайлас жемқорлық қаупі жойылады.           

Орта білім беру ұйымдарына балаларды қабылдау бойынша мемлекеттік қызметті автоматтандыру.

«Бастауыш, негізгі орта, жалпы орта білім берудің жалпы білім беретін бағдарламалары бойынша оқыту үшін ведомстволық бағыныстылығына қарамастан білім беру ұйымдарына құжаттарды қабылдау және оқуға қабылдау» мемлекеттік қызметі автоматтандырылды. Ағымдағы жылдың 1 сәуірінен облысымызда жалпы білім беретін мектептердің 1-сыныбына құжаттарды қабылдау бойынша электрондық жүйе жұмыс істей бастады. Аталған қызметті ата-аналар электрондық цифрлық қолтаңбамен (ЭЦҚ) www.egov.kz порталы арқылы  ала алады. Өтініштерді 24/7 режимінде беруге болады, осылайша ата-аналар жұмыстан немесе үйден мектепке онлайн режимде өтініш беру мүмкіндігіне ие болады. 2023 жылдың 1 сәуірмен 1 тамыз аралығында облыс мектептеріне 10 413 бала қабылданды.

Мектептерді кең жолақты Интернет желісімен қамтамасыз ету.

2024 жылы облыстың 343 (100%) мектебі Интернет желісіне қосылды. 85 қалалық мектептің 75 мектебі немесе қалалық мектептердің жалпы санының 88,2% - Интернет желісіне 20 Мб/с төмен емес жылдамдықпен, 10 қалалық мектепте 8 Мбит/с жылдамдықпен қол жеткізуге болады.

258 ауылдық мектептің 115 (44,6%) мектебі Интернет желісіне 4 Мбит/с жылдамдықпен, 94 (36,4%) мектеп - 8 Мбит/с жылдамдықпен, 49 (19%) мектеп - 20 Мбит/с және одан жоғары жылдамдықпен қосылған.

«Starlink» спутниктік технологиясы арқылы Интернет жылдамдығын арттыру үшін 170 мектептің тізімі анықталды.

Мектептерді бейнебақылау жүесімен қамтамасыз ету.

Білім беру ұйымдарының бейнебақылау жүйелерімен қамтамасыз етілуіне мониторинг жүргізілуде. Облыста барлық 343 (100%) мектеп бейнебақылаумен қамтамасыз етілген. Облыс бойынша барлығы 11837 бейнекамера, оның ішінде мектепке дейінгі білім беру ұйымдарында – 2582, орта білім беру ұйымдарында – 8064, техникалық және кәсіптік білім беру ұйымдарында – 1191.

Қазақстан Республикасының Ішкі істер министрі 2019 жылғы 23 қаңтардағы № 49 және Қазақстан Республикасының Білім және ғылым министрі 2019 жылғы 23 қаңтардағы № 32 бекіткен "Мектепке дейінгі және орта білім беру ұйымдарын бейнебақылау жүйелерімен жарақтандыруға қойылатын стандарттар мен талаптарды бекіту туралы" бұйрыққа сәйкес жаңа талаптардың енгізілуіне байланысты стандартқа тиісті емес бейнекамераларды ауыстыру қажеттілігі туындады.

Барлығы 144 мектепте 2989 бейнекамера (1930-ішкі және 1059-сыртқы), 875 – балабақшаларда, 259 – колледждерде стандарттарға келтіру қажет. Стандарттарға келтіру қажеттілігі 455 179, 2 мың теңгені құрайды.

Күнделік.kz» электрондық журналдар мен күнделіктер жүйесі. 2023-2024 оқу жылында облыс мектептерінің «Күнделік.kz» электрондық журналдар мен күнделіктер жүйесін толтыруы бойынша жұмыс жалғастырылуда. ШҚО білім басқармасының мамандары «Kundelik» БАЖ-дың сапалы жүргізілуін қамтамасыз ету мақсатында ай сайын білім бөлімдерімен онлайн-кеңес өтіп отырды. .

Цифрлық білім беру ресурстарын қолдану.

2024 жылы облыстың 343 (100%) мектебі «BilimLand» цифрлық білім беру ресурстарына, «iTest» ҰБТ-ға дайындық бағдарламасы және аудиовизуалды шығарма-анимациялық фильмдер жинақталған «iMektep» виртуалды оқыту кешеніндеріне қосылды. Цифрлық білім беру ресурстарын пайдалану белсенділігін арттыру бойынша жұмыс тұрақты негізде жүргізіледі. Облыс мектептерінің мұғалімдеріне цифрлық білім беру ресурстарын пайдалану бойынша онлайн кеңестер, көшпелі семинарлар өткізілді.

ШҚО қалалық және аудандық білім бөлімдерінің 2022-2023 оқу жылындағы қызметін рейтингтік бағалау.

Жылдық рейтинг қортындысы бойынша «Үздік білім бөлімі – 2023» номинациясына Катонқарағай ауданы, «Мектепке дейінгі тәрбие және оқыту бойынша үздік білім бөлімі» номинациясына Самар ауданы, «Жалпы орта білім бойынша үздік білім бөлімі» номинациясына Өскемен қаласы, «Тәрбие бойынша үздік білім бөлімі» номинациясына бойынша - Зайсан ауданы иеленді.