Шығыс Қазақстан облысының білім басқармасы Балаларды қорғау күніне орайластырылған мерекелік іс-шаралар аясында өткізілген «Жүректен жүрекке» қайырымдылық акциясын қорытындылады. Бұл акцияны бастау осы жылдың 1 наурызында хабарланған болатын. Іс-шара өткен 5 жыл ішінде 10 мыңнан астам тілек орындалды.
Акция мәні аз қамтылған, көпбалалы отбасында тәрбиеленіп жатқан әр бала онлайн режимде хат жазу арқылы өзінің ізгі тілегін, қалауын білдіре алады, сосын ол хат меценаттар мен мейірімді жандар орындай алуы үшін TYLEK.KZ сайтына орналастырылады.Балалардың өтініші коммерциялық және басқа да бірқатар ұйымдардың, шаруа қожалықтарының, кіші және орта бизнес өкілдерінің, жеке кәсіпкерлердің және өзге облыс тұрғындарының белсенді демеушілік көмегінің арқасында орындалды.