Сабақты зерттеу - бұл оқыту тәжірибесін жақсартуға бағытталған құрал. Оның мәні - мұғалімдер сабақты бірлесіп жоспарлайды, бақылайды, содан кейін оны жақсарту мақсатында өткізілген сабақтардың нәтижелерін талқылайды.
ШҚО білім басқармасының «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы» КММ Өскемен қаласының Педагогикалық шеберлік орталығының филиалымен бірлесіп «Педагог практикасындағы сабақты зерттеу» тақырыбында интерактивті сабақ өткізді, спикер ретінде филиалдың аға менеджері, жоғары санатты педагог-психолог Пак Владимир Славдиевич сөз сөйледі.
Вебинар барысында қатысушылар сабақты зерттеу сценарийлерінің ерекшеліктерімен, оны мектеп тәжірибесінде жүзеге асыру алгоритмімен танысты. Вебинарда зерттеу сұрағын әзірлеу тәжірибесіне ерекше назар аударылды.
Вебинарға облыстың 100 педагогы қатысты.