Шығыс Қазақстан өңірлік білімдегі жаңа технологиялар орталығы 2022 жылғы 8 сәуірден 3 мамырға дейін облыс мектептерінің оқушылары арасында «#AuezovPhotoLife» облыстық конкурсын өткізді.
Байқаудың негізгі мақсаты: өскелең ұрпақтың бойында Мұхтар Әуезовтің шығармашылығы туралы біртұтас түсінік, кешенді білім қалыптастыру; білім алушылардың ақпараттық-графикалық мәдениетін арттыру; тұлғаның креативті қасиеттерін дамыту; фотоөнер арқылы жастардың зияткерлік, шығармашылық және эстетикалық әлеуетін дамыту; ақпараттық кеңістікті кеңейту, білім беру процесіне ақпараттық технологияларды кеңінен енгізу. Конкурсқа 8 конкурстық өтінім ұсынылды.
Сараптау комиссиясының бағалау нәтижелері бойынша жеңімпаздар анықталды:
Бірінші орын – Мустафин Дарын, Жарма ауданы «Қарасу орта мектебі» КММ-ның 10-сынып оқушысы.
Екінші орын – Қабдулсалям Сұлтанәлі, Қамбаров Темірлан, Айтқабылов Айқын, Күршім ауданы, «№5 Күршім орта мектебі» КММ-ның 7-8 сынып оқушылары
Үшінші орын – Кенжебай Ғазиза Мейрамбекқызы, Семей қаласы, «№32 жалпы орта білім беретін мектеп» КММ-ның 9-сынып оқушысы.
Жеңімпаздарымызды құттықтаймыз! Барлық оқушыларға алғысымызды білдіреміз және бастамаларына сәттілік тілейміз!