2024 жылғы 4 және 5 қаңтар аралығында ШҚО білім басқармасының «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы қыстық каникулдық мектеп жоспарының аясында білім алушылардың білім жетістіктерінің мониторингісіне (ББЖМ) 2024 жылы қатысатын облыс мектептерінің химия және биология пәні мұғалімдері үшін «Жаратылыстану сауаттылығын дамыту - ББЖМ дайындау, ұйымдастыру және өткізу тиімділігі» онлайн семинар өткізді.
Семинарда оқушыларды 2024 жылы өтетін ББЖМ-не дайындау мәселелері қаралды. Спикерлер негізгі, орта және жоғары деңгейдегі тапсырмалардың тақырыптарын қарау арқылы жаратылыстану-ғылыми сауаттылық бойынша ББЖМ өткізу құрылымына егжей-тегжейлі тоқталды.
Семинар барысында баяндама жасағандар:
- Абай облысы білім басқармасының «Мектеп жанындағы интернаты бар №42 ЖОББМ» КММ, химия пәні мұғалімі, педагог- зерттеуші Айжан Камальбековна Каупбаева;
- ШҚО ББ Өскемен қаласы бойынша білім бөлімінің «Ш. Уәлиханов атындағы №3 мектеп - лицейі» КММ, биология пәні мұғалімі, педагог-зерттеуші Гульбақыт Токтарбаевна Темиралова;
- ШҚО білім басқармасының Өскемен қаласы бойынша білім бөлімінің «№10 мектеп-гимназиясы» КММ директоры, педагог-зерттеуші Сауле Толеукановна Нурканова;
- ШҚО білім басқармасының Өскемен қаласы бойынша білім бөлімінің «№10 мектеп-гимназиясы» КММ химия пәні мұғалімі, педагог- сарапшы Дарья Игоревна Колмагорова;
- ШҚО білім басқармасының Өскемен қаласы бойынша білім бөлімінің «№10 мектеп-гимназиясы» КММ биология пәні мұғалімі, педагог- сарапшы София Мусиновна Хуснутдинова.
Семинар қатысушылары тақырыптың өзектілігі мен практикалық маңызын және өз тәжірибесінде одан әрі пайдалану үшін әдістемелік ұсыныстар алғанын атап өтті.
Іс-шараға білім алушылардың білім жетістіктерінің мониторингісіне қатысатын облыстық жалпы білім беретін мектептерінің химия және биология пәндерінің 156 педагогі қатысты.
Семинар модераторлары: Г.М. Абышева - ШҚО білім басқармасының «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы» КММ жаратылыстану-математикалық бағыттағы пәндердің әдістемелік бөлімінің жетекшісі, бөлім әдіскерлері Г.Б.Блейменова, К.Т. Байболова.