.jpeg)
ШҚО ББ «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы 2024 жылғы 29 қаңтарда Риддер қаласының білім бөлімімен бірлесіп, білім беру бөлімдерінің әдіскерлері, директорлары, директорлардың орынбасарлары, Алтай ауданы, Риддер қаласы және Катонқарағай ауданы мектептерінің физика, информатика, робототехника мұғалімдері үшін «Информатика педагогтарының педагогикалық шеберлігі мен кәсіби IT-құзыреттілік деңгейін зияткерлік білім беру ортасын қалыптастырудың қажетті шарты ретінде жетілдіру» семинар-практикумын өткізді.
Семинарда Риддер қаласының №2 орта мектебі мен №1 мектеп-лицейінің педагогтары робототехника мен информатиканы оқытуда тәжірибе алмасу, оқушыларды IT-саладағы ғылыми жобаларға дайындау бойынша шеберлік сыныптарын өткізді.
Тәжірибе алмасу бойынша спикерлердің бірі №1 Риддер мектеп-лицейінің мұғалімі Юрий Брониславович Котвицкий «Зияткерлік білім беру ортасын қалыптастыру шарттарының бірі ретінде оқушылармен жеке жұмыс» мастер-классын өткізді. Юрий Брониславович халықаралық деңгейдегі байқаулардың жеңімпаздары атанған оқушыларды, Иван Грибенщиков пен Арсений Нечаевты дайындау тәжірибесімен бөлісті.
Семинарға қатысушылар оқушылардың жеке ерекшеліктері мен қажеттіліктеріне сәйкес дараландыруға мүмкіндік беретін оқу процесін ұйымдастырумен, оқу іс-әрекетінің әртүрлі тәсілдерін ескере отырып, оқу материалымен, оқушылардың танымдық іс-әрекетін жандандырумен танысты.
Кері байланыс кезінде қатысушылар семинар тақырыбының өзектілігі мен практикалық маңыздылығын атап өтіп, өз тәжірибелерінде одан әрі пайдалану үшін әдістемелік ұсыныстар алды.