Мектеп ұжымы - бұл оқушылар мен мұғалімдер ғана емес, сонымен қатар ата-аналар, директор, менеджерлер және мекеменің басқа қызметкерлері кіретін адамдардың үлкен тобы. Сондықтан мұнда даулы сәттерсіз бола қоймайды.
Мектептің оқу-тәрбие үдерісіндегі педагогикалық қақтығыстар. Педагогикалық қақтығыстың құрылымы, динамикасы және қызметі. Педагогикалық қақтығыстардың себептері.Педагогикалық қақтығыстардың ерекшеліктері. Сабақтағы жанжал жағдайларының түрлері, мұғалім мен оқушының жанжалы, бала мен ата-ананың жанжалы. Жанжал жағдайындағы қақтығысушы тараптардың мінез-құлық стилін ұсыну.
Бұл өзекті мәселелер ШҚО білім басқармасының «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы» КММ Өскемен қаласының Педагогикалық шеберлік орталығымен бірлесіп, «Мектептегі жанжал: себептерді анықтау және қарым-қатынас орнату тәсілдері» тақырыбында филиалдың аға менеджері Әбілғазина Райхан Дәулетханқызымен өткен интерактивті сабақта қаралды.
Сабақ барысында қатысушылар пікір алмасып спикердің сұрақтарына жауап берді, осы тақырыпты зерделеуді жалғастыруға ниет білдірді. Қатысушылардың саны жүзден асты, олардың ішінде білім беру ұйымдарының әкімшілігі, педагогтар, психологтар, әлеуметтік педагогтар.