ШҚО білім басқармасының өңірлік білімдегі жаңа технологиялар орталығы 2021 жылғы 09 ақпанда «GuardEX-Qazaqstan» ЖШС-мен бірлесіп Сфера қашықтықтан оқыту платформасын таныстыру мақсатында ZOOM платформасы арқылы оқу ісі жөніндегі директор орынбасарларымен, аудандық/қалалық білім бөлімдерінің мамандарымен кездесу өткізді.
«GuardEX-Qazaqstan» ЖШС жобасының негізгі мақсаты: Сфера – мұғалімдерді, оқушыларды және ата-аналарды бірлестіретін, қашықтықтан оқыту процесін тиімді ұйымдастыруға мүмкіндік беретін онлайн білім беру платформасы. Платформа мектеп пәндерін қашықтықтан және интерактивті формада оқытуға, оқуға, сондай-ақ оқу процесін бақылауға мүмкіндік береді.
Онлайн кездесу барысында онлайн білім беру ресурсының қызметкерлері қашықтықтан оқытуға арналған контентпен және технологиямен таныстырды.
Катысушылар жаңа жобаға байланысты сұрақтар қойып, компания мамандарынан толықтай жауап ала алды.
Аталған іс-шараға 100-ге жуық ұйым мен білім бөлімдерінің өкілдері қатысты.
