.jpeg)
2024 жылдың 25 қыркүйегінде ҚР Оқу-ағарту министрлігінің Балалардың құқықтарын қорғау комитеті «El Umiti» Корпоративтік қорымен бірлесіп Өскемен қаласындағы «Ш. Уалиханов атындағы №3 мектеп-лицей» КММ базасында Шығыс Қазақстан және Абай облыстарының білім беру ұйымдарының жетім және ата-анасының қамқорлығынсыз қалған балаларымен жұмыс жасайтын педагогтеріне арналған оқыту семинар-тренинг өткізді.
Іс-шараға жоғарыда аталған білім беру ұйымдарының директорлары, директордың орынбасарлары, тәрбиешілер, психологтер мен әлеуметтік педагогтер барлығы 40 адам қатысты.
Семинар-тренинг барысында «El Umiti» корпоративтік қорының тренері Жумабаева Динара Амандыкова, жетім және ата-анасының қамқорлығынсыз қалған ұйымдардағы балалардың «4К» дағдысын дамыту және қабілетін диагностикалау әдістері бойынша жұмыс көрсетті.
Іс-шара соңында Кері байланыс ұйымдастырылып, ұсынымдар қабылданды. Барлық қатысушыларға сертификаттар табысталды.