2021 жылғы 9 ақпанда ШҚО ББ Шығыс Қазақстан өңірлік білімдегі жаңа технологиялар орталығы Сәрсен Аманжолов атындағы Шығыс Қазақстан университетінің оқытушыларымен бірлесіп облыстық мектептердің информатика пәні мұғалімдерінің қатысуымен «Жасанды сана» тақырыбында онлайн вебинар өткізді.
Аталған вебинарда «Компьютерлік модельдеу және ақпараттық технологиялар» кафедрасының оқытушылары А.С. Тлебалдинова, М.А. Карменова, М.К. Толыкбаева осы тақырыпқа әзірленген презентация ұсынды. Аталған іс-шара барысында жасанды сананың жалпы ұғымдары, оның бағыттары мен қолданылу саласы, сондай-ақ осы бағытта қолданылатын құралдар мен технологиялар қарастырылды.
Вебинар соңында қатысушылар облыс мектептерінде жасанды сананы енгізу мүмкіндігін талқылап, өскелең ұрпақты оқытуда қолдану тәжірибесімен бөлісті.
