ШҚО білім басқармасының «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығының ұйымдастыруымен 2024 жылдың 16 қыркүйекте аудандық, қалалық білім бөлімдерінің әдіскерлеріне, білім беру ұйымдарының тәрбие ісі жөніндегі директордың орынбасарларына «Біртұтас тәрбие» бағдарламасы бойынша сынып сағаттарының ұйымдастырылуы туралы қосымша онлайн форматта отырыс өтті.
Отырыс барысында апта сайын тақырыптық сынып сағаттарын өткізу шеңберінде білім алушылардың қауіпсіз мінез-құлық мәдениетін және салауатты өмір салтын қалыптастыру бойынша жүйелі жұмыс іске асырылуы керектігі талқыланды. Сондай-ақ, Қауіпсіз сабақтарының өткізу ерекшеліктерін, жол қозғалысы ережелерін, өмір қауіпсіздігін, қауіпсіз мінез-құлқын және т.б. сынып сағаты шеңберінде 10 минут ақпарат беру, әңгіме өткізу бойынша әдістемелік ұсыным берілді.
Кері байланыс барысында қатысушылар өздерін қызықтырған сұрақтарына толық жауап алды, ұйымдастырушыларға алғыстарын білдіріп, іс-шараның маңыздылығын атап өтті.
 |
 |