Шығыс Қазақстан аймақтық білім берудегі жаңа технологиялар орталығы 2021 жылғы 5 мамырда облыс мектеп оқушылары мен студенттері арасында «NEW GENERATION» атты үздік инновациялық идеяларға арналған аймақтық қашықтықтан байқау өткізеді. Сайысқа түскен оқушылар мен студенттер өздерінің ғылыми жобаларын ұсынатын болады.
Байқаудың мақсаты – педагогтардың ақпараттық-коммуникациялық технологияны қолдану саласындағы құзыреттілігін жетілдіру, оқушыларды ғылыми-техникалық шығармашылыққа баулу және жаңа технологиялар мен зерттеулерге қызығушылық танытатын балалардың санын арттыру бойынша тәжірибе алмасу.
Конкурс мектеп оқушылары мен студенттерді 3D модельдеу технологияларын қолдана отырып жобалық қызметке баулуға, макеттер, модельдер жасауға ықпал етеді, ойлап табу, құрастыру, модельдеу және әзірленген жобаларды іске асыру дағдыларын қалыптастырады.
Қатысушылар өз жұмыстарын онлайн режимінде қорғайды. Байқау нәтижелері бойынша «Үздік IT жоба» номинациясы бойынша жеңімпаздар анықталады.
Сондай-ақ, «Көрермендер көзайымы» номинациясы бойынша үздік ІТ-жобаға онлайн дауыс беруді өткізу жоспарланған.