Өтетін күні: 3-4 қараша 2022 жыл
IT-Хакатонның ашылуы: 2022 жылғы 3 қараша, сағат 09.00.
Өтетін орны: Өскемен қаласы, «№ 48 мектеп-қосымша білім беру орталығы» КММ, Увалиев көшесі, 6.
«Цифрлық Қазақстан» мемлекеттік бағдарламасы аясында ШҚО ББ Шығыс Қазақстан өңірлік білімдегі жаңа технологиялар орталығының іс-шаралар жоспарына сәйкес «ŞYĞYS ÖRKENІ» облыстық IV IT-Хакатоны өткізіледі.
Мақсаты: өңір үшін инновациялық шешімдер жасауға тарту, жастардың ақпараттық технологиялар саласында білім алуға қызығушылығын арттыру және ІТ-дағдыларын дамыту, IT-саласында жоғары білікті кадрлар қалыптастыру.
Хакатонға 14 пен 21 жас аралығындағы мектеп оқушылары, Шығыс Қазақстан облысының ТжКБ ұйымдарының және облыстық жоғары оқу орындарының студенттері қатысады.
Қатысушылар білім берудің тиімділігін, тұрғылықты жерінің жайлылығын және азаматтардың қауіпсіздігін арттыру үшін жалпыға қолжетімді инновациялық қосымшалар мен сервистердің прототиптерін жасайтын болады.
Білім басқармасының, әкімдіктің цифрландыру және архивтер басқармасының, қаладағы білім, ғылыми және қоғамдық ұйымдар мен кәсіпорындардың өкілдері ІТ-хакатонның сарапшылары мен тәлімгерлері болады.
ІТ-Хакатон жеңімпаздары дипломдармен және бағалы сыйлықтармен марапатталады.