ШҚО білім басқармасының «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы» КММ 2024 жылдың 02 ақпан айында Өскемен қаласы химия-биология бағытындағы Назарбаев зияткерлік мектебімен бірлесіп «Прогрессияны практикалық тапсырмаларды шешуде қолдану» тақырыбына интерактивті сабақ өткізді. Спикер ретінде Өскемен қаласы химия-биология бағытындағы Назарбаев зияткерлік мектебінің математика пәні мұғалімі Смирнова Тамара Юрьевна қатысты.
Сабақ «Алгебра» пәні бойынша орта білім беру деңгейіндегі 9 сыныптары үшін оқу бағдарламасының мақсаттарына сәйкес келді.
Сабақ басында қатысушылар интерактивті викториналар арқылы «Прогрессия» тақырыбы бойынша өз білімдерін тексерді. Сабақ барысында әртүрлі салаларда практикалық есептер шығаруда арифметикалық және геометриялық прогрессияның қолданылуын қарастырды. «Қарапайым» және «күрделі» банктік пайыздар ұғымымен танысты. Пайыздың әртүрлі түрлерін қолдануға тапсырмалар шығарып жаттықты.
02/02/2024
21