Аудандық білім беру бөлімдерінің әдіскерлері, білім беру мекемелерінің директорлары және оқу-тәрбие жөніндегі орынбасарлары қатысуымен тамыз кеңесі аясындағы секция отырысы

2024 жылғы 15 тамызда педагог қызметкерлердің «Digital Kazakhstan: жаңа замандағы білім беру» облыстық тамыз кеңесі шеңберінде «Білім беру процесінде жасанды интеллект пен цифрлық технологияларды қолдану» аймақтық пәндік интерактивтік алаң өтті.

Секция жұмыстарына 35 аудандық білім беру бөлімдерінің әдіскерлері, білім беру мекемелерінің директорлары және оқу-тәрбие жөніндегі орынбасарлары қатысты.

Шара аясында іс –тәжірбиелерімен бөліскендер:

- Мергазина Анар Ерлановна - ШҚО Қатонқарағай ауданы бойынша білім бөлімінің «С.Ластаев атындағы орта мектебі» КММ, «Цифрлық мектеп: мүмкіндіктері мен жетістіктері»,

- Ногаева Аяулым Казықанқызы - ШҚО Тарбағатай ауданы бойынша білім бөлімінің «Абай атындағы орта мектебі» КММ «Ауыл мектептерінің оқу үрдісінде цифрлық технологияларды пайдаланудың үздік тәжірибесін тарату»,

- Турсумбаева Гульмира Слямбаевна - ШҚО ББ Өскемен қаласы бойынша білім бөлімінің «№44 мектеп-лицейі»КММ «Жасанды интеллект технологияларын оқу процесінде қолдану бойынша бірыңғай тұғырлар мен ұсынымдарды әзірлеу»,

- Иванова Найля Рафиковна –Алтай ауданы бойынша білім бөлімінің «№7 орта мектебі» КММ «Педагогтердің цифрлық құзыреттіліктерін дамытуды басқару».

Секция соңында «2024-2025 оқу жылында Қазақстан Республикасының жалпы білім беретін мектептерінде білім беру процесін ұйымдастырудың ерекшеліктері туралы» әдістемелік нұсқаулық хат талқыланды және ұсыныстар қабылданды.