Шығыс Қазақстан облысы білім басқармасының «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы» КММ 2023 жылы 27 қараша күні орыс тілінде оқытылатын мектептердегі қазақ тілі мен әдебиеті пәні мұғалімдерінің облыстық қауымдастық отырысын онлайн форматта өткізді.
Отырысқа 11 ауданның қауымдастық жетекшілері мен аудан бөлімдерінің әдіскерлері қатысты. Аудан бөлімінің әдіскерлері мен қауымдастық жетекшілері 5-8,10 сыныптарда қазақ тілі мен әдебиеті пәні бойынша емтихан тапсырмаларын ұйымдастыру және өткізудің жол картасының ұйымдастыру шаралары жөнінде ақпараттар берді.
Алтай ауданы бойынша білім бөлімінің «Сағадат Нұрмағамбетов атындағы орта мектебі» КММ қазақ тілі мен әдебиеті пәнінің мұғалімі, аудандық қауымдастық жетекшісі, педагог-зерттеуші Д.И Сибитова «Қазақ тілі мен әдебиеті сабақтарында оқушылардың айтылым дағдысын графикалық органайзерлерді қолдану арқылы дамыту» тақырыбы бойынша өз іс-тәжірибесімен бөлісті. Алтай ауданы бойынша білім бөлімінің «Алтай қаласы мектеп-лицейі» КММ қазақ тілі мен әдебиеті пәнінің мұғалімі, педагог-зерттеуші Қ.Б.Аленова 10 сыныпқа арналған емтихан тапсырмаларының үлгісін дайындап ұсынды.