2024 жылдың 19 қаңтарында айында Шығыс Қазақстан облысы білім басқармасының «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы» коммуналдық мемлекеттік мекемесі Өскемен қаласы химия-биология бағытындағы Назарбаев зияткерлік мектебімен бірге «Food Science» атты 8-сыныптарға арналған сабағы өтті. Баяндамашы Өскемен қаласы ХББ НЗМ ағылшын тілі NIS мұғалім-модераторы Алканова Асель Дархановна.
8-сыныпқа арналған ағылшын тілінен интерактивті сабақ салауатты және теңдестірілген тамақтану тақырыбында өтті. Оқушылардың назарын салауатты өмір салтын ұстануға аудару өте маңызды. Тамақтану денсаулықты сақтауда, денені дұрыс бағытта ұстауда маңызды орын алады. Оқушылар диетада міндетті түрде 5 компонент болуы үшін «табақ ережелерімен» танысты: жемістер мен көкөністер, күрделі көмірсулар, ақуыздар, сүт өнімдері және май мен қант мөлшері жоғары тағамдар.
Оқушылар жоғары дәрежелі сөздерді дұрыс пайдалана отырып, оларды сөйлеуде, сонымен қатар мәтіндегі бейтаныс сөздерді анықтау стратегияларын қолданды.
Жүзден аса мектеп қатысқан сабақ соңында рефлексия өтті, онда оқушылар тест тапсырып, сабақ мазмұны бойынша оқытушының сұрақтарына жауап берді