Мектептерді бейнебақылау жүйелерімен қамтамасыз ету. Білім беру ұйымдарының қамтамасыз етілуіне мониторинг жүргізіледі. Облыста барлық 646 (100%) мектеп бейнебақылау жүйесімен қамтамасыз етілген. Оның ішінде 510 (79,1%) мектеп аналогтық бейнекамералармен, 136 (20,9%) мектеп цифрлық бейнебақылау жүйелерімен қамтамасыз етілген.
Облыстағы барлық 209 мемлекеттік балабақша бейнебақылау жүйесімен қамтамасыз етілген. Оның ішінде 183 балабақша (87,6%) аналогтық бейнекамералармен, 26 балабақша (12,4%) цифрлық бейнекамералармен қамтамасыз етілген.
Сондай-ақ, 2019 жылы Өскемен қаласының 100 білім беру ұйымдарындағы бейнекамералар ведомствоаралық бірыңғай ахуалдық орталыққа шығарылды. Семей қаласында білім беру ұйымдарының бейнебақылау жүйелерін жедел басқару орталығына шығару бойынша жұмыс жүргізілуде, техникалық мүмкіндіктерді қарастыру үшін Семей қаласының полиция департаментіне хат жолданды.
Осы бағыттағы жұмыстар жалғасуда.
